1 | |
HStAOrient5a: 92r niyyet ėde ve muṣḥafı aça ve ṣaġ ṭarafından yedinci saṭra dek // ʿadd eyleye ve yedinci saṭrı oqıya. [Baʿdehū muṣḥafuñ yuqaru cānibine yedi varaq aça ve ṣol ṭarafdan yedinci] saṭırı oqıya. Baʿdehū fāl evvelinden aşaġı // cānibine yedi [kāġıd çevirüb ṣaġ cānibinden yedinci] saṭırı oqıya. Her ne deñlü gelürse ḥaqīqat bile. // Qāla llāhu taʿālā hāḏā kitābunā yanṭiqu ʿalaykum bi‑l‑ḥaqqi. Ammā eger bi‑smi llāhi // r‑raḥmāni r‑raḥīm gelürse fālüñ yümn ve seʿādetinde hīç şekk olmıya. // Biz daḫı fāl‑i bi‑smi llāh mübārekligine kitābı ḫatm ėtdük. Ve // iştiqāq‑i nām‑i raḥmān ve raḥīmden fāl‑i raḥmet ṭutduq. Ḥaqq subḥānehū // ve‑taʿālāya ḥüsn‑i ẓann vardur ki fālümüz dürüst qılub bizi // ḥımā‑yi ḥimāyetinde ve kenef‑i raḥmetinde āsūde qıla ki buyurur: Wa‑raḥmatī // wasiʿat kulla šayʾin. Qıṭʿa li münşiʾi: [remel: ‑ v ‑ ‑ / ‑ v ‑ ‑ / ‑ v ‑ ‑ / ‑ v ‑] Gerçi‑kim sırr‑i dehānuñ fetḥin eyler // fāl yoq Söylenür ammā bil‑ki vaṣfında qīl u qāl çoq // Qaşuña beñzer bulınmaz nüh felek devrinde qavs Kirpigüñ gibi görinmez // bir qażā‑reftār oq. Nes̱r: Pes bu feraḥ‑i qalb ve ṣafā‑i // ḫāṭır ile Beşīr ve Şādān ḥikāyesine şürūʿ ėdelüm ki ḥelvā // āḫiru ṭ‑ṭaʿām olduġı gibi bu ḥikāyet‑i şīrīn daḫı müntehā‑yi kelām ola. [Ḥikāyet‑i Beşīr u Şādān] Ḥikāyet‑i Beşīr u Şādān: Afżalü l‑enām ḥażret‑i // İmām Ġazālī raḥimehū llāh eyidür: Eger‑çi bu qıṣṣayı żaʿīfü // l‑isnād ve qalīlü l‑iʿtimād buldum ammā çün fevāyid‑i mevfūre // ve mesāʾil‑i meşhūreyi muḥtevīdür lā‑büdde naqlini cāyiz gördüm. |